ਤਾਜੀਆਂ ਤੇ ਸੱਚੀਆਂ ਖਬਰਾਂ ਸਭ ਤੋਂ ਪਹਿਲਾਂ ਦੇਖਣ ਲਈ ਹੁਣੇ ਹੀ ਪੰਜਾਬ ਨਿਊਜ਼ ਪੇਜ ਨੂੰ ਲਾਈਕ ਕਰੋ ਅਸੀਂ ਹਮੇਸ਼ਾ ਸਹੀ ਤੇ ਨਿਰਪੱਖ ਜਾਣਕਾਰੀ ਦੇਣ ਦੀ ਤੁਹਾਨੂੰ ਕੋਸ਼ਿਸ਼ ਕਰਦੇ ਹਾਂ , ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ
ਅਗਲੇ 48 ਘੰਟੇ ਪ੍ਰਿਥਵੀ ਲਈ ਹੋਣਗੇ ਭਾਰੀ, ਬੰਦ ਹੋ ਜਾਣਗੇ ਮੋਬਾਇਲ ਤੇ ਟੀ.ਵੀ……
ਆਉਣ ਵਾਲੇ 48 ਘੰਟੇ ਕੁਝ ਸਮੇਂ ਲਈ ਬਲੈਕ ਆਊਟ ਵਰਗੀ ਸਥਿਤੀ ਪੈਦਾ ਕਰ ਸਕਦੇ ਹਨ। ਮਾਹਰਾਂ ਅਨੁਸਾਰ ਪ੍ਰਿਥਵੀ ਨਾਲ ਸੋਲਰ ਤੂਫਾਨ ਟਕਰਾਅ ਸਕਦਾ ਹੈ। ਸੂਰਜ ਵਿਚ ਇਕ ‘ਕੋਰੋਨਲ ਹੋਲ'(ਛੇਕ) ਹੋਵੇਗਾ ਜਿਸ ਵਿਚੋਂ ਭਾਰੀ ਮਾਤਰਾ ਵਿਚ ਊਰਜਾ ਨਿਕਲੇਗੀ। ਜੇਕਰ ਇਹ ‘ਸੋਲਰ ਸਟਾਰਮ’ ਪ੍ਰਿਥਵੀ ਨਾਲ ਟਕਰਾਉਂਦਾ ਹੈ ਤਾਂ ਇਸ ਨਾਲ ਸੈਟੇਲਾਈਟ ਅਧਾਰਿਤ ਮੋਬਾਇਲ, ਟੀ.ਵੀ. ਅਤੇ ਜੀ.ਪੀ. ਆਦਿ ਸੇਵਾਵਾਂ ਠੱਪ ਹੋ ਜਾਣਗੀਆਂ। ਅਮਰੀਕੀ ਸਪੇਸ ਏਜੰਸੀ ਨਾਸਾ ਨੇ ਇਕ ਤਸਵੀਰ ਵੀ ਜਾਰੀ ਕੀਤੀ ਹੈ ਜਿਸ ਵਿਚ ਸੂਰਜ ਤੋਂ ਉੱਠ ਰਹੇ ਗੈਸਾਂ ਦੇ ਤੂਫਾਨ ਨੂੰ ਦੇਖਿਆ ਜਾ ਸਕਦਾ ਹੈ।
ਸੂਰਜ ਉਗਲੇਗਾ ਗਰਮ ਤੂਫਾਨ…….
ਰਿਪੋਰਟ ਮੁਤਾਬਕ ਇਹ ਤੂਫਾਨ ਧਰਤੀ ਦੇ ਸੋਲਰ ਡਿਸਕ ਦੇ ਲਗਭਗ ਅੱਧੇ ਹਿੱਸੇ ਨੂੰ ਕੱਟਦੇ ਹੋਏ ਇਕ ਵੱਡਾ ਸਾਰਾ ਛੇਕ ਬਣਾਵੇਗਾ, ਜਿਸ ਕਾਰਨ ਸੂਰਜ ਦੇ ਵਾਯੂਮੰਡਲ ਤੋਂ ਪ੍ਰਿਥਵੀ ਵੱਲ ਬਹੁਤ ਹੀ ਗਰਮ ਹਵਾ ਦਾ ਤੂਫਾਨ ਆਵੇਗਾ। ਨੈਸ਼ਨਲ ਓਸ਼ਨ ਐਂਡ ਐਟਮਾਸਫਿਅਰ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਇਹ ‘ਸੋਲਰ ਸਟਾਰਮ'(ਸੂਰਜੀ ਤੂਫਾਨ) ਜੀ-1 ਸ਼੍ਰੇਣੀ ਦਾ ਹੈ। ਯਾਨੀ ਇਹ ਤੂਫਾਨ ਹਲਕਾ ਹੋਵੇਗਾ, ਪਰ ਇਸ ਦੇ ਨਾਲ ਵੀ ਕਾਫੀ ਨੁਕਸਾਨ ਹੋਣ ਦੀ ਸੰਭਾਵਨਾ ਹੈ।
ਇਹ ਸੂਰਜੀ ਤੂਫਾਨ ਪ੍ਰਿਥਵੀ ਨੂੰ ਪਹੁੰਚਾ ਸਕਦਾ ਹੈ ਨੁਕਸਾਨ……
ਐਸੋਸੀਏਸ਼ਨ ਫੋਰਕਾਸਟ ਦਾ ਕਹਿਣਾ ਹੈ ਕਿ ਜੀ-1 ਸ਼੍ਰੇਣੀ ਦਾ ਜਿਓਮੈਗਨੇਟਿਕ ਤੂਫਾਨ 48 ਘੰਟੇ ‘ਚ ਉਸ ਸਮੇਂ ਆ ਸਕਦਾ ਹੈ ਜਦੋਂ ਸੌਰ ਹਵਾਵਾਂ ਚਲਣਗੀਆਂ। ਚੁੰਬਕੀ ਤੂਫਾਨ ਨੂੰ ਸੌਰ ਤੂਫਾਨ ਕਹਿੰਦੇ ਹਨ, ਜੋ ਕਿ ਸੂਰਜ ਦੀ ਸਤਹ ‘ਤੇ ਆਈ ਅਸਥਾਈ ਤਬਦੀਲੀ ਤੋਂ ਪੈਦਾ ਹੁੰਦਾ ਹੈ। ਇਨ੍ਹਾਂ ਨੂੰ ਪੰਜ ਸ਼੍ਰੇਣੀ ਜੀ-1, ਜੀ-2, ਜੀ-3, ਜੀ-4 ਅਤੇ ਜੀ-5 ਵਿਚ ਵੰਡਿਆ ਗਿਆ ਹੈ।
ਇਸ ਤਰ੍ਹਾਂ ਮੰਨਿਆ ਜਾ ਰਿਹਾ ਹੈ ਕਿ ਜੀ-5 ਸ਼ੇਣੀ ਦਾ ਤੂਫਾਨ ਪ੍ਰਿਥਵੀ ਨੂੰ ਭਾਰੀ ਨੁਕਸਾਨ ਪਹੁੰਚਾ ਸਕਦਾ ਹੈ। ਸੋਲਰ ਸਟਾਰਮ ਨੂੰ ਲੈ ਕੇ ਸਕਾਈਮੇਟ ਦੇ ਵਿਗਿਆਨੀ ਡਾ. ਮਹੇਸ਼ ਪਲਾਵਤ ਦਾ ਕਹਿਣਾ ਹੈ ਕਿ ਜੀ-1 ਸ਼੍ਰੇਣੀ ‘ਚ ਪਾਵਰ ਗਰਿੱਡ ‘ਤੇ ਸਭ ਤੋਂ ਵਧ ਪ੍ਰਭਾਵ ਪੈਂਦਾ ਹੈ। ਪ੍ਰਵਾਸੀ ਪੰਛੀਆਂ ‘ਤੇ ਵੀ ਇਸ ਦਾ ਗੰਭੀਰ ਅਸਰ ਪੈ ਸਕਦਾ ਹੈ। ਇਸ ਤੂਫਾਨ ਦਾ ਵਿਆਪਕ ਅਸਰ ਅਮਰੀਕਾ ਅਤੇ ਯੂ.ਕੇ. ਵਿਚ ਵਧ ਹੋਣ ਦੀ ਸੰਭਾਵਨਾ ਹੈ |