ਦਰਅਸਲ, ਨਤੀਜਾ ਅਜੇ ਤਿਆਰ ਹੀ ਨਹੀਂ ਹੈ। ਬੁਲਾਰੇ ਨੇ ਦੱਸਿਆ ਹੈ ਕਿ ਬੋਰਡ 10ਵੀਂ ਦੇ ਨਤੀਜੇ ਨੂੰ ਲੈ ਕੇ ਕਿਸੇ ਵੀ ਤਰ੍ਹਾਂ ਦਾ ਵਿਵਾਦ ਨਹੀਂ ਚਾਹੁੰਦਾ। ਹਾਲ ‘ਚ ਹੀ 23 ਅਪ੍ਰੈਲ ਨੂੰ 12ਵੀਂ ਦਾ ਨਤੀਜਾ ਜਾਰੀ ਕੀਤਾ ਗਿਆ ਸੀ, ਉਹ ਵੀ ਅਧੂਰਾ ਸੀ। ਇਸ ਨੂੰ ਲੈ ਕੇ ਬੋਰਡ ਦੀ ਕਾਫ਼ੀ ਬੇਇਜ਼ਤੀ ਹੋਈ ਸੀ ਬੋਰਡ ਦੀ ਕਾਰਗੁਜਾਰੀ ‘ਤੇ ਸਵਾਲ ਖੜ੍ਹੇ ਹੋਏ ਸਨ।
ਸੂਤਰਾਂ ਦੇ ਅਨੁਸਾਰ, ਬੋਰਡ ਦੇ ਨਤੀਜੇ ‘ਚ ਦੇਰੀ ਹੋਣ ਦਾ ਕਾਰਨ ਹੈ ਵੋਕੇਸ਼ਨਲ ਪੇਪਰਾਂ ਦਾ ਨਹੀਂ ਹੋਣਾ ਅਤੇ ਇਤਿਹਾਸ ਦੀ ਕਿਤਾਬ ਦੇ ਵਿਵਾਦ ਦਾ ਗਰਮਾਉਣਾ। ਵੋਕੇਸ਼ਨਲ ਪੇਪਰ 5 ਮਈ ਤੋਂ ਸ਼ੁਰੂ ਹੋਣਗੇ, ਜਦੋਂ ਕਿ ਕਿਤਾਬ ਦਾ ਵਿਵਾਦ ਵਧਦਾ ਹੀ ਜਾ ਰਿਹਾ ਹੈ। ਅਜਿਹੇ ‘ਚ ਮਾਮਲਾ ਸੁਲਝਾਏ ਬਿਨਾਂ ਰਿਜਲਟ ਜਾਰੀ ਕਰਨ ਤੋਂ ਅਧਿਕਾਰੀ ਬਚ ਰਹੇ ਹਨ।
ਵਿਦਿਆਰਥੀ ਆਫੀਸ਼ੀਅਲ ਵੈੱਬਸਾਈਟ ‘ਤੇ ਚੈੱਕ ਕਰ ਸਕਣਗੇ ਨਤੀਜਾ
ਦੱਸ ਦੇਓਏ ਕਿ ਪੰਜਾਬ ਬੋਰਡ 10ਵੀਂ ਦੇ ਪੇਪਰ ਇਸ ਸਾਲ 12 ਮਾਰਚ ਤੋਂ ਸ਼ੁਰੂ ਹੋ ਕੇ 31 ਮਾਰਚ ਤੱਕ ਚੱਲੇ ਸਨ। ਉੱਥੇ ਹੀ ਵਿਦਿਆਰਥੀ ਆਪਣਾ ਨਤੀਜਾ ਜਾਰੀ ਹੋਣ ਤੋਂ ਬਾਅਦ ਬੋਰਡ ਦੀ ਆਫੀਸ਼ੀਅਲ ਵੈੱਬਸਾਈਟ pseb.ac.in ‘ਤੇ ਚੈੱਕ ਕਰ ਸਕਦੇ ਹਨ।
ਇਸ ਵਾਰ ਐਪ ਦੀ ਮਦਦ
ਇਸ ਵਾਰ ਪ੍ਰਸ਼ਨ ਉੱਤਰ ਦੀ ਸੀਟ ਚੈੱਕ ਕਰਨ ਵਾਲੇ ਅਧਿਆਪਕਾਂ ਨੂੰ ਨੰਬਰਾਂ ਦੀ ਅਤੇ ਦੂਜੀ ਡਿਟੇਲ ਭੇਜਣ ਲਈ ਇੱਕ ਖਾਸ ਐਪ ਵੀ ਦਿੱਤਾ ਗਿਆ ਹੈ। ਇਸ ਦੇ ਪਹਿਲਾਂ ਤੱਕ ਇਹ ਜਰੂਰੀ ਦਸਤਾਵੇਜ ਡਾਕ ਦੇ ਜਰੀਏ ਹੀ ਭੇਜੇ ਜਾਂਦੇ ਸਨ। ਸਰਕਾਰ ਦਾ ਕਹਿਣਾ ਹੈ ਕਿ ਐਪ ਦੇ ਇਸਤੇਮਾਲ ਨਾਲ ਅਧਿਆਪਕਾਂ ਦਾ ਸਮਾਂ ਵੀ ਬਚੇਗਾ ਅਤੇ ਕੰਮ ‘ਚ ਸੌਖ ਵੀ ਹੋਵੇਗੀ।
ਇਸ ਤਰ੍ਹਾਂ ਚੈੱਕ ਕੀਤਾ ਜਾ ਸਕਦਾ ਹੈ ਨਤੀਜਾ
– ਸਭ ਤੋਂ ਪਹਿਲਾਂ www.pseb.ac.in ‘ਤੇ ਲਾਗਿਨ ਕਰੋ।
– ਇਸ ਤੋਂ ਬਾਅਦ PSEB Class 10 Results 2018 ਜਾਂ ਫਿਰ PSEB Class 10 Matriculation Result 2018 ਦੇ ਦਿੱਤੇ ਗਏ ਲਿੰਕ ‘ਤੇ ਕਲਿਕ ਕਰੋ।
– ਰੋਲ ਨੰਬਰ ਅਤੇ ਮੰਗੀ ਗਈ ਦੂਜੀ ਜਾਣਕਾਰੀ ਦਰਜ ਕਰੋ। ਇਸ ਤੋਂ ਬਾਅਦ ਸਬਮਿਟ ਆਪਸ਼ਨ ਨੂੰ ਕਲਿਕ ਕਰੋ। ਤੁਹਾਡਾ ਨਤੀਜਾ ਸਕਰੀਨ ‘ਤੇ ਆ ਜਾਵੇਗਾ। ਇਸ ਨੂੰ ਡਾਊਨਲੋਡ ਕਰ ਲਵੋਂ ਅਤੇ ਉਸ ਤੋਂ ਬਾਅਦ ਨਤੀਜਾ ਪ੍ਰਿੰਟ ਆਊਟ ਕੀਤਾ ਜਾ ਸਕਦਾ ਹੈ।
– ਪਿਛਲੇ ਸਾਲ ਭਾਵ 2017 ‘ਚ ਇਹਨਾਂ ਪੇਪਰਾਂ ‘ਚ 57.50 ਫੀਸਦੀ ਵਿਦਿਆਰਥੀ ਹੀ ਪਾਸ ਹੋਏ ਸਨ।